LA UNION – Nangipila ti kandidaturana kabayatan iti deadline ti substitution period ti Commission on Election (COMELEC) ni sigud a Municipal Mayor Eulogio Martin De Guzman III para iti mayoralty race idiay ili ti Bauang, La Union.
Daytoy ket kalpasan a nag-withdraw iti kandidatura ti misisna a ni incumbent Bauang Municipal Mayor Menchie De Guzman.
Maipalagip, nalpas ni sigud a Mayor Martin ti tallo a terminona kas alkalde iti Bauang ken sinublat daytoy kalpasan a nabotosan ni incumbent Mayor Menchie a naka-maysa a termino.
Malaksid a nagbalin kas alkalde iti Bauang ket napadasanna met a nagtakem kas bise-gobernador.
Gapu iti panangipila ti kandidatura ni sigud a Mayor Martin ket makabalubalna iti mayoralty race ni Dra. Joya Dumpit nga asawa ni sigud a La Union 2nd District Rep. Thomas “Butch” Dumpit Jr..
