Mamati ni Tito Norman Tinio, maysa a pageant blogger/mentor, a napigsa iti laban ken ag-standout ni Bea Millan-Windorski iti Miss Universe 2026 a maangay idiay Puerto Rico inton Nobyembre.
Segun kenni Tinio, adda ti laban ni Bea no pagbasaran dagiti nakumpirma a delegado, ken mamati daytoy nga isuna ti maiyannatup a kandidata a mangirepresentar iti pagilian iti international stage.
Iti naangay a coronation night idi Mayo 2, inlawlawagna a saan laeng nga iti performance ditoy iti nagbalin a basaran iti resulta ti kompetision.
Kenunana, dagiti cumulative portion a naurnong dagiti kandidata kadagiti amin nga areas ti kompetision kas iti swimsuit, evening gown, charity work, sponsor visits, dagiti feedbacks, ken dadduma pay. Isu a sakbay pay ti coronation night ket nakaurnongen ti dakkel a lamang ni Bea kontra kadagiti padana a kandidata.
Maipalagip a nakoronaan kas Miss Universe Philippines 2026 ni Bea Millan-Windorski a pambato ti probinsiya a La Union.
Kabayatanna, mensahe ni Tinio kadagiti amin a Pilipino nga ited ti sibubukel a suporta para kenni Windorski iti laksid ti bukod a pambato wenno paborito, gapu ta maysa isunan a Miss Universe Philippines a mangibagi iti pagilian ken saan laeng a kas Miss Universe La Union.###
