LA UNION – Natay ti maysa a beach goer kalpasan a malmes daytoy idiay baybay ti Barangay Pugo, ili ti Bauang, La Union.
Nabigbig ti biktima a ni Joseph Gawidan, 24, gym instructor, ken residente iti Barangay Pico, ili ti La Trinidad, Benguet.
Iti pannakiuman ti Bombo Radyo kenni PMSgt. Christopher Nuesca ti Bauang Police Station, kinunana a madama idi panagrambak ti maysa a kasangay iti pamilya ti biktima iti a mapasamak ti trahedya.
Maipagarup nga inguyod iti danum ti baybay ti biktima kabayatan nga agdigdigus daytoy ngem napaay ti kabagyanna nga isulakan isuna manipud iti peggad.
Narekobre met iti bagi ti biktima gapu iti tulong dagiti kameng ti Municipal Disaster Risk Reduction and Management Council ken ti Philippine Coast Guard.
