LA UNION – Balligi a nagun-od iti Beach Volleyball Women’s Team ti Don Mariano Marcos Memorial State University a da Maria Angela Mirador ken Rose Ann Picardal iti championship title ti Philippine Beach Games Open Category idiay Capitol Beachfort, Lingayen, Pangasinan.
Iti pannaki-uman ti Bombo Radyo La Union ken ni Maria Angela Mirador, na-pressure da ta dagiti nakalabanda ket makisalsalip iti premiere volleyball league.
Segun pay kenkuana, nakiparpartisipardan ti school leagues kas iti campus meet, university meet, regional scuaa, ken no adda dagiti paliga iti barangay.
Umuna met a gundaway a nakaduana ni Rose Ann Picardal ita a tawen nga agay-ayam iti beach volleyball, ngem nagkaduadan iti indoor games no sadino isuda ti champion kas iti Friendship Cup Volleyball Tournament iti San Fernando, La Union, University Meet Beach Volleyball, Regional SCUAA Beach Volleyball, ken iti kalkalpas a Philippine Beach Games.
Innayonna pay a sagsaganaanda da iti makipaset ti Philippine Beach Games intun July 12 agingga 14 idiay Palawan, ngem awan pay iti kasiguradohanna.
Kabayatanna, mensahe na kadagiti atleta a masapul nga agbalin a disiplinado, seryoso ti panagensayo, ken ikkan iti pateg ti araramiden tapno agballigi, idinto kinuna met para kadagiti aspiring athlete a masapulda nga ag-commit kadagiti kayatda a sports.
