BR LA UNION – Nangisayangkat ti programa ti lokal a gobyerno ti San Fernando a “Benteng Bigas” para kadagiti umili.
Dua nga aldaw a naisayangkat ti nasao a programa, idi Miyerkoles ken Huwebes, idiay Lions Park, abay ti City Hall ti San Fernando.
Pinilaan dagiti tattao ti nasao a programa a kayat na ti gumatang iti nalaklaka a presyo ti bagas.
Segun kenni Carol Flestado, maysa kadagiti benepisyaryo, atiddog ti pila ngem kinunana a masapul ti anus tapno makasigurado a makagatang.
Tapno makagatang ti nalaka a bagas kasapulan a mangipakita ti valid ID a nakarehistro ditoy syudad ti San Fernando, ken mabalin a makagatang iti agingga 10 kilos a bagas kada tao.
Kinuna pay ni Flestado a dakkel ti tulong dagitoy a programa a kas kenkuana, ken daytoy ti umuna a panaggatangna iti benteng bigas.
