Iti umuna a gundaway manipud idi nangrugi ti gyera ti nagbaetan ti Israel ken Hamas ket nasaripatpatanen dagiti dadakkel a selebrasyon ti Paskua idiay Bethlehem, lugar a mapapati a nakaipasngayan ni Hesukristo.
Immunan a nagdesisyon ti ciudad a kanselaren dagiti dadakkel a Christmas festivities kadagiti naglabas a tawen kas panakipamaysa ken konsiderasyon ti kasasaad dagiti taga-Gaza a sentro ti gubat.
Nupay adayo iti Betlehem idiay Gaza, apektado apektado latta daitoy iti mapaspasamak a riribuk agsipud ta ti ciudad ket nakadepende la unay iti turismo, sektor nga apektado iti gyera.
Ita a tawen ket naisubli manen dagiti nagkakapintas a parada iti lugar, dagiti nakaradkad a partisipasyon dagiti residente, ken dagiti turista nga inturtured ti sumrek iti ciudad.
Idiay Manger Square, mismo a lugar ti Betlehem a mapapati a nakaipasngayan ni Hesu-Kristo ket adu dagiti mamatpati a napalubosan a maki-parada a kadawyan ket para laeng kadagiti turista.
Makita metten dagiti Christmas decorations nga arig naglikmut ti intero a Betlehem, saan a kas ti sigud a dua a tawen.
Nangrugi ti gyera ti nagbaetan ti Hamas ken Israel idi Oktubre 2023 nu sadino ket niribo a tattaon ti natay, mapukpukaw, ken nadundunor.
