LA UNION – Isagsaganan ti Bureau of Fisheries and Aquatic Resources (BFAR) Regional Office-1 dagiti proposal tapno maipaayan ti assistance dagiti agtartaraken iti lames a naapektaran ti fish kill iti Ilocos Region.
Maipalagip a base iti inisyal a datos ti BFAR ket adda iti nailista da a nasurok P12 million a balor lames a nadadael gapu ti fish kill ti nasao a rehiyon.
Tapno adda ti maawat nga assistance dagiti agtartaraken ti lames, sigun kenni BFAR Regional Office-1 Director Segundina Gaerlan a manarimaan iti panangisimpada ti proposal a maisumite iti Central Office dagitoy.
Ti mabukel a proposal kinunana ket maibasar iti pagbanagan ti validation kadagiti lugar a naapektaran ti fish kill.
Impanamnama met ti opisyal nga uray naappog dagiti agtartaraken iti lames ket saan met a makaapektar daytoy iti produksyon wenno suplya para ti Ilocos Region gapu ta bassit laeng ti porsyento ti nadadael.
Impasigurado ni Gaerlan iti agtultuloy a pannakaisayangkat iti monitoring kadagiti fish pensiti rehiyon tapno maammuan ti sasaaden dagiti agtartaraken ti lames ken iti bilang ti naapektaran ti fish kill.
Binalakadan iti opisyal dagiti mangngalap a kitaen da a naimbag dagiti taraken da a sida ken apiten dan dagiti mabalinen nga iharvest tapno maliklikan ti fish kill.
