LA UNION – Nakabantay iti Bureau of Fisheries and Aquatic Resources (BFAR) Region-1 iti water quality control ken stocks kadagiti fish pond iti sapasap a rehiyon uno gapu pay laeng iti posible nga epekto ti nakaru a kinadagaang ti panawen wenno El Nino.
Iti pannakiuman ti Bombo Radyo La Union kenni BFAR Region One Director Lilibeth Signey, kinuna na nga awan pay met ti naireport iti opisina na a kaso ti fish kill.
Isutgapuna a binalakadan na dagiti fish farmers a siguradwen a kalalaingan na laeng dagiti stocks iti pupokan tapno maliklikan ti mortality ken apiten dagiti mabalinen nga ilako tapno mapagnumaran pay ken malikllikan iti pannakalugi.
Kabayatanna, impasiguro ni Signey a nakasagana iti BFAR a mangipaay ti technical assistance a maited kadagiti fish cage owners/operators wenno fish farmers a maapektaran iti epekto ti tikag.
Nakunana pay a ti masansan nga apektado iti nakaru a kinadagaang ti panawen ket dagiti lames a bangus.
