LA UNION – Mangisayangkat ti Bureau of Fisheries and Aquatic Resources Management Center (BFARMC) iti mas naun-uneg a panagsukimat maipapan kadagiti nakita a natay a lames, alimasag, ken dadduma pay a lamang dagat idi kalman iti igid ti kabaybayan a sakop ti Brgy. Lingsat ditoy San Fernando City, La Union.
Segun met kenni City Fisheries Coordinator Florycel Obeña, atapen da a nasabidongan dagiti lames ket saan da a pattien iti ibagbaga ti sumagmamano a naibelleng dagitoy iti igid ti baybay.
Innayon na pay nga adu iti nakita a natay a lames iti igid ti baybay ngem pinidot dagiti ubbing, isunga bassit laengen ti nadanon dagitoy.
