Ipatpatungpal ti Bureau of Fire Protection (BFP) ti Oplan Iwas Paputok kas panagsagana para iti masungad a Baro a Tawen. Panggepna a malapdan ti uram ken aksidente a patauden ti paputok, nangruna kadagiti ubbing.
Segun kenni Senior Fire Officer 1 Sammy Cuyangoan Chief Fire Safety Enforcement Section BFP Balaoan nainget ti pannakikoordinarda kadagiti barangay ken lokal a gobierno tapno mapapigsa ti kampania kontra kadagiti napeggad a paputok.
Kas alternatibo, nagiwaras ti BFP Balaoan iti torotot kadagiti ubbing tapno adda ti natalged ken makaay-ayo a wagas ti panangabrasa iti Baro a Tawen.
Impalagip ti ahensia a nasaysayaat ti agusar iti torotot ngem ti firecrackers a mabalin a makadangran.
Indagadag pay ni SFO1 Cuyangoan kadagiti nagannak a responsibilidad da a siguraduen a saan nga agusar dagiti annak ta iti aniaman a klase ti paputok.
Kenunana a ti kinatalged ti tunggal indibidual ket responsibilidad ti intero a komunidad.
Iti agtultuloy a pannakaipatungpal ti Oplan Paputok, namnamaen ti BFP a maaddaan ti tunggal Pilipino iti natalged, natalna, ken naragsak a selebrasion ti Baro a Tawen.
