Nagbalin nga emosional ni US President Joe Biden iti eulogy-na iti punpon ni sigud a presidente Jimmy Carter.
Ti state funeral a naangay para iti pimmusay a sigud a Presidente ti US, tinabunuan daytoy dagiti nangato ti ranggona nga opisial ken sigud metlaeng a presidente a kas kada Biden, Donald Trump, Barack Obama, Bill Clinton ken George Bush.
Iti panagbitla ni Biden, ,aladingitan unay isuna ta dina malipatan ti kinuna kenkuana ti pimmusay a 100-anyos a presidente.
Idi sibibiag pay, nagsarakda ket kinuna ni Carter kenkuana a nasken a mangipaay ni Biden iti Eulgoy.
Dagiti laeng appo ti sigud a presidente ti nagsao bayat a buybuyaen dagiti uppat nga annakna.
Ti Eulogy ni Biden ket nangrugi ti panaggayyemda idi 1974 idi agpadada a senador ti US nu sadiay isu ti immuna a nangi-endorso ken ni Carter nga agkandidato kina-presidente.
Kalpasan ti state funeral, naisubli ti bangkay ni Carter idiay Georgia tapno maitabon iti abay ti pimmusay nga asawana.
