LA UNION – Agbalinen nga istrikto ti Estados Unidos kadagiti asylum seekers nga iligal a bumal-ballasiw manipud Mexico.
Kinuna ni US President Joe Biden nga epektibo a dagus ti nasao a pammilin ken nagirut met a dagus dagiti border guard iti panagbantay.
Inlawlawag na a napateg iti panag-tignay ti US kontra kadagiti iligal a migrants.
Maipalagip a maysa kadagiti ibatbato nga isyu ti kalaban na iti eleksiyon a ni sigud nga US President Donald Trump iti panangbaybay-a ni Biden nga agdupodop dagiti migrants idiay US.
