BR LA UNION – Naaddaan ti gundaway a makipatang ni US President Joe Biden kenni Pope Francis ket naipaay kenkuana ti Presidential Medal of Freedom with Disctinction, iti kangatwan a civilian honor ti pagilian segun iti White House.
Daitoy iti umuna a gundaway iti las-ud ti uppat a tawen a panagtakem a nangipaay ni Biden iti medalya nga addaan ti distinction.
Iti Presidential Medal of Freedom ket maited kadagiti indibidual a nakaaramid iti naisangsangayan a kontribusyon partikular iti prosperity, values ken security ti Estados Unidos, world peace ken dadduma pay a napapateg a ganwat para iti pagilian, publiko wenno pribado a panagregget.
Immunan a nangipaay ni Biden ti Presidential Medal of Freedom kenni sigud a Secretary of State Hillary Clinton, chef Jose Andres ken conservationist Jane Goodall, ken dadduma pay.
Innayon pay ti White House a nakisarita ni Biden kenni Pope Francis iti telepono ken inyebkasna ti nalaus a panagladingitna iti saan na a panangbisita iti Roma ken Vatican City.
