LA UNION-Dead on arrival iti ospital ti maysa a biker kalpasan a madungpar ti Florida bus iti national hi-way idiay Brgy. Calungbuyan, Balaoan, La Union idi rabii.
Iti impormasyon a nakalap ti Bombo Radyo La Union manipud Balaoan Police Station nabigbig ti biktima a ni Sherwin Bryan Ramirez, 25-anyos ken residente ti nasao a lugar.
Iti imbestigasyon ti pulisya, daldalyasaten ti Florida Bus a minaneho ni Joseph Sagadraca, 54-anyos, taga Abulog Cagayan ti kalsada nga agturong ti amianan idi maipagarup a bimmallasiw ti baro a nakalugan ti bisekleta.
Sigun kenni Police Senior Inspector Cresencio Abila Jr, hepe ti pulisya ti nasao nga ili, nagpasar ti nakaro a sugat iti ulo ken dadduma pay a paset ti bagina ti biktima a nagresulta ti ipupusay daytoy.
Iti agdama ket iggem dagiti otoridad ti respondent driver.
