LA UNION – Dackel ti bimmabaan ti bilang dagiti menor de edad ken agtutubo a natiliw gaputi pakainaigan da iti iligal a droga idi 2019.
Segun kenni PDEA Region 1 Information Officer Bismarck Bengwayan, amang a nababbaba iti 27 nga agtutubo a nailista idi napan a tawen kumpara iti napalpalabas.
Segun kenni Bengwayan, idi 2018 ti kaadwan a bilang dagiti natiliw nga agtutubo gaputi iligal a droga.
Kaipapanan daytoy kunana nga epektibo iti nairut ken napabileg a kampanya ti gobyerno maikontra iti droga, babaen iti panagbinnulig ti Phil. Drug Enforcement Agency (PDEA) ken Phil. National Police (PNP).
Dagiti nasao nga agtutubo ket naipasidong iti aywan ti DSWD.
Kinuna na nga addan dagiti nakarwar ken adda met dagiti agtultuloy pay laeng a maipas-pasidong iti rehabilistasyon.
