Nadiskubre ti Armed Forces of the Philippines (AFP) ti agarop 60 nga non-existent wenno ghost flood control projects manipud kadagiti 8,000 nga inamiris da.
Paset daytoy ti tulong ti puersa armada iti Department of Public Works and Highways (DPWH) a kangrunaan nga mangisaysayangkat ti inspeksion ken beripekasion kadagiti proyekto kas maibasar kadagiti adda a public records nga nakalanadan ti pondo, nagan ti contractor, ken pagtaudan ti pondo.
Segun kenni AFP Chief of Staff Romeo Brawner Junior, tinunton da ti lokasion dagiti proyekto babaen dagiti naipaay nga actual coordinates.
Posible a ngumato pay iti bilang dagiti ghost projects gapo iti agtultuloy a panagsursur ken inspeksion kadagiti nadumaduma a lokasion.
Naipaayan da ti aginggana 16,000 a proyekto tapno maammiris, ngem limitado laeng ti addang da iti panangammo no adda ti naipatakder a proyekto iti maysa a lugar ken saan dan a sakop iti panangammiris iti kalidad ti konstraksion wenno amuen iti compliance kadagiti specifications.
Amin nga reports maipanggep ti flood control project ket maipaima iti ahensia ken makammo dan a mangipatulod dagiti engineer tapno mangisayangkat ti validation dagiti reports manipud AFP.###
