Saan a bumaba ti 10 nga indibidual dagiti pimmusay ken nasurok a 200 dagiti nadangran idiay Israel, sipud idi nangrugi iti operasion dagiti militarda kontra Iran.
Sipud iti panagrugi ti Operation Roaring Lion, nangipaay ti Magen David Adom (MDA) ti medikal a panangtaming ken nangiyakar kadagiti 238 a nasugatan iti ospital.
Manipud iti nasao a bilang, 10 dagiti natay, dua ti nakaro a nadangran, 5 moderately injured, ken 221 mildly injured, bayat a 175 iti nasugatan kabayatan iti panagbirokda ti shelter.
Dagiti siam a pimmusay ket naireport manipud iti ciudad ti Beit Shemesh, kalpasan a timmama iti missile iti maysa a residential building.###
