LA UNION – Impadamag ti Philippine Statistics Authority iti lalo pay a panagbaba ti bilang dagiti mangangged iti sector ti panattalon, maibasar iti insayangkat da a June 2024 survey.
Agpar-parang iti panagadal ti ahensya a 916,000 agriculture ken forestry workers iti pimmanaw wenno napukaw iti nasao a sektor agingga idi Hunyo.
Iti fishing ken aquaculture sector, mapukpukawan daytoy ti 81,000 workers ti tinawen.
Nadetermina ti ahensiya a dackel a bilang dagiti nasao a mangmangged ket pimmanaw idi kangitingitan ti El Nino ita a tawen.
Adu kadakuada ti maipagarop a naan-anay a pimmanaw kasaruno ti Executive Order 62 ni PBBM a nangibaba iti taripa dagiti ang-angkaten a bagas.
Segun pay iti PSA, nakita iti direkta nga epekto daytoy iti naduma-duma nga industriya nga adda iti sidong ti panagtalon.
Kabilang ditoy iti rice industry, hog industry, ken dadduma pay.
Iti nasao a problema ket laksid ti panag-pokus ti Marcos administration iti sektor ti panagtalon, kagiddan ti dacdackel a budget ken ad-adu nga assistance para kadagiti mannalon ditoy pagilian.
