Dumanonen iti pito nga indibidwal iti agtaltalinaed a mapukpukaw gapo iti nasaknap a panaglayus nga inggubuay ti kallabes a bagyong Crising ken Habagat.
Maibasar iti kaudian a report ti Office of Civil Defense (OCD), kaadwan kadagiti biktima ket naiyanod ti layus bayat a ti maysa met ket napattog iti bangka a pangkalap na idi kangitingitan ti dakes a paniempo idiay taaw.
Segun kenni OCD Deputy Spokesperson Diego Mariano, amin dagitoy a pito ket agtultuloy a maipaspasidong ti validation nu talaga metlaeng a resulta ti Habagat ken Bagyong Crising iti rason ti pannakapukaw da, bayat a mabirbirok dagiti babaen kadagiti nagduduma a search and rescue personnel.
Kadagiti met lima a naipadamag a pimmusay ket dua laeng kadagitoy iti validated ken agtultuloy met iti kumpirmasyon ti kaso dagiti tallo.
Kinuna ni Mariano a dumanon ti pakabuklan a 167 road sections ti apektado ti nasaknap a panaglayus ken panagregay iti daga ti nagduduma a paset ti pagilian.
Iti agdama ket 122 kadagitoy ti mabalinen a madalanan bayat nga agtultuloy met iti clearing operations kadagiti nabatbati a 45 a lugar.
Mainaig iti daitoy ket iruar metlaeng ti Department of Public Works and Highways (DPWH) ti clearance para kadagiti nasao a kalsada apaman a masiguron a dagitoy ket nadalged para iti panagbiahe.
