Dumanon ti 199,367 nga indibidual wenno katupag ti nasurok 52,000 a pamilya iti naapektaran ti panagalburoto ti Bulkang Mayon, segun iti kauddian a record ti Office of Civil Defense (OCD) manipud kadagiti 124 a barangay.
Manipud iti nasao a bilang, 1,444 a pamilya wenno katupag ti 5,459 nga indibidual iti agtaltalinaed kadagiti evacuation centers.
Bayat a 26 a pamilya wenno katupag ti 85 nga indibidual iti agtaltalinaed iti ruar dagiti evacuations.
Impasigurado ti ahensia nga aramidenda ti whole-of-government response iti panagputok ti Bulkang Mayon, karaman iti koordinasion kadagiti lokal a gobierno iti panangipatungpal ti nainget nga evacuation protocol para iti kinatalged dagiti residente.###
