LA UNION – Impanakkel ti Department of Social Welfare and Development (DSWD) iti nangato a bilang dagiti nakurapay a senior a nabenipisyaran iti nangato a social pension ita a tawen 2024.
Iti umuna a kagudwa a paset ti 2024, umaboten iti 3.7 milyon a nakurapay a senior ti nagnumar iti nasao a programa, ket naipaay iti pakabuklan a pensyon a P21.8 billion.
Dimmackel iti pondo agsipudta nadoble ti aw-awaten a pensyon dagiti senior ita a tawen.
Maipalagip a ti binulan a pensyon a P500 nga aw-awaten dagiti senior ket nagbalin a P1,000, kas social benefits iti sidong ti DSWD.
Dagiti miyembro iti elderly population a mabalin a makaawat ti nasao a benepisyo ket dagiti addaan sagubanit, awan ti permanente a trabaho wenno pagbiagan, awan ti regular nga aw-awaten a suporta manipud cacabagyan, ken awan ti sabali a pensyon nga w-awaten.
