Dumanonen ti 162 iti bilang dagiti natay gapu iti nalawa a flash flood iti beddeng ti Nepal ken Tibet, bayat nga agtultuloy a mapukpukaw ti ginasut a tattao.
Karaman kadagiti mapukpukaw ket nasurok a 579 a turista, pakairamanan dagiti foreign nationals manipud Estados Unidos, Australia, United Kingdom ken Canada.
Ti didigra ket mapapati a nagtaud manipud iti panagreggaay ti yelo ken bato manipud iti glacier, a nanglapped iti Lhende River sakbay a nangiruar ti napigsa nga agos ti danum, pitak ken debris agturong iti Bhote Koshi River.
Daytoy ket immuna a naikonektar iti ginggined, ngem idi agangay ket binaliwan ti U.S. Geological Survey iti assessment ken intudo iti glacial collapse kas kangrunaan a nangtignay.
Kakaruan a naapektaran iti distrito ti Rasuwa, no sadino nadadael dagiti komunidad, rangtay ken kalsada.
Agtultuloy iti search-and-rescue operations ti Nepali Army, pulis ken dadduma pay a responders, agraman iti panagusar kadagiti helicopter. Nupay kasta, masingsinga iti operasion gapu iti dakes a paniempo ken pannakadadael kadagiti imprastruktura.
Kabayatanna, inkari ti Estados Unidos iti 500-thousand dollars para iti rescue ken relief operations idiay Nepal.###
