Dumanonen ti 10 iti bilang dagiti pimmusay iti landslide idiay Barangay Guisad Surong, Baguio City kalpasan a makumpleto dagiti rescuers iti retrieval operation para kadagiti mapukpukaw.
Maibasar iti kauddian a report, narekober iti bangkay dagiti dua a kauddian a biktima, gapuanan tapno malpas iti search and retrieval operation iti lugar.
Segun kenni Baguio City Mayor Benjamin Magalong, nagbayag ti nasurok 30 nga oras iti operasion sakbay a naan-anay a nabirukan dagiti amin a mapukpukaw.
Kadagiti immuna a reports, kenuna ti mayor a 13 iti pakabuklan a biktima iti insidente; iti kauddian nga update, 10 iti pimmusay ken tallo dagiti nakalasat.
Agtultuloy met a nakapamaysa iti lokal a gobierno iti panangtulong kadagiti pamilya dagiti pimmusay ken kadagiti nakalasat, bayat a mabalbalakadan iti publiko nga agannad kadagiti lugar nga agtultuloy a makapaspadas ti panagtudo ken addaan ti pangta ti landslide.###
