Nakita idi bulan ti Setyembre iti apagapaman a panagngato ti bilang dagiti awanan trabaho ditoy Pilipinas, segun iti Philippine Statistics Authority ita a Biyernes, Nobyembre 6.
Maibasar iti agdama a datos, naipadamag a 5.4% iti unemployment rate idi Setyembre nu sadinno katupag daitoy ti 2.86 milyon iti populasyon ditoy pagilian. Apagapaman a nangatngato daitoy ngem iti 5.3% a nailista idi Agosto a katupag met ti 2.77 milyon a Pilipino.
Kabayatanna, bimmaba met iti underemployment rate iti nasao a bulan nu sadinno bimmagsak daitoy ti 11% a katupad ti 5.56 milyon a Pilipino manipud iti 11.9% a nailista idi Agosto.
