Impanamnama ti La Union Provincial Tourism Office nga insaganaanda a naimbag iti panagdudupudop iti adu a turista ditoy probinsya.
Kinuna ni Provincial Tourism Officer Adamor Dagang, a posible a ngumato ita iti bilang dagiti bisita nga agturong iti probinsya gapu kadagiti baro a tourist attractions kas iti Christmas Village.
Bentahe pay sigun kenni Dagang iti nasayaat a kasasaad dagiti kalsada gapu ta mas naparpartak ita ti panagbiyahe dagiti bakasyunista.
Iti patta-patta ti opisyal, umabot iti 20,000 a turista iti namnamaen a sumangbay ditoy La Union ita a panawen ti Paskua.
Maipalagip a base iti record ti Tourism Office, umabot iti nasurok a 64,000 ti nailista a bilang dagiti tourista a naturong ditoy probinsya idi napalabas a tawen.
