Agtultuloy a manaynayunan ti bilang dagiti nakaptan iti Covid-19 iti Ilocos Region.
Maibasar iti kaudian a case bulletin iti Department of Health-Center for Health and Development Region 1, ngimmato itan ti 552 ti agdama a kaso iti COVID -19 ditoy Region 1.
Daytoy ket kalpasan ti nailista ti 4 a baro a kaso iti Covid 19 manipud iti 2 a probinsiya.
Kaadwan pay laeng a nakailista iti kaso ti Covid 19 ket ti probinsiya iti Pangasinan a dumanon iti 289, sumaruno ti La Union (183); Ilocos Sur (50) bayat a ti probinsiya iti Ilocos Norte ket (31).
267 metten ti nailista nga aktibo a kaso iti covid-19 iti rehiyon.
Dumanonen iti 263 ti recoveries kalpasan a mainayon ti 1 a nagimbag.
89 ti agdama a nakaadmit kadagiti pagagasan, 93 ti nakahome quarantine, ken 85 ti adda kadagiti facility quarantine.
Kabayatan na, dagiti suspected cases ket 6,983 ti pakabuklan itan a bilang bayat a 5,365 ti negatibo iti sakit.
Mannarimaan itatta ti contact tracing kadagiti aktibo a kaso
Ngem nupay kasta ti Napateg la unay a palagip dagiti otoridad ti panangsurot iti publiko iti minimum public health standards.
