LA UNION – Naiturongen idiay punerarya ti nauram a bangkay ti maysa a baro nga immuna a naipadamag a nagpakamatay idiay Barangay Pandan, ili ti Bacnotan, La Union.
Nabigbig ti 46-anyos a biktima a ni Ariston Alegre.
Naammuan ti Bombo Radyo manipud iti Bacnotan Police, agarup ala-1:00 itattay parbangon a napasamak ti maipagarup a panagpakamatay ti baro iti uneg ti balayna.
Posible a pinasngaw pay ti biktima ti LPG cylinder sakbay a maipagarup a nagidda daytoy ken binalkotna ti bagina babaen kadagiti daan a papel ken libro.
Maipagarup a sineggedan ti baro ti bagina a nagbanag ti pannakatay daytoy.
Napaay met dagiti kakabagyan ti biktima nga isalakan daytoy manipud ti patay gapu ta nakarekep ti balay.
Sigun pay ti pulisya, saan met a simged ken bimtak ti LPG cylinder isu nga agapaman laeng ti pannakauram ti pagtaengan.
Maipagarup a depresyon ken ti sagsagabaet a sagubanit a diabetes ti makagapu ti panagpakamatay ti biktima.
