Nakatuding a mapadayawan ti P-pop girl group a BINI kas “Global Force” honoree ti Billboard iti masungad a Women in Music ceremony.
Naipadamag iti panangbigbig idi Abril 11, sumagmamano nga oras sakbay ti naisangsangayan a panagperform ti grupo iti Coachella Valley Music and Arts Festival, no sadino isunda ti kaunaan nga all-Filipino act a nag-perform.
Gapu ti daytoy, nagbalin a maikadua a Filipina act iti BINI a makaawat ti nasao a pammadayaw, kasaruno ni Sarah Geronimo idi 2024, ken kaunaan a Filipino group a naipaayan ti nasao a panangbigbig.
Karaman met kadagiti mapadayawan iti nasao nga event dagiti dadduma pay nga international artists kas ni The Beaches, Kehlani, Laufey, Tate McRae, Teyana Taylor, Thalía, ken Zara Larsson.
Maangay iti seremonya iti Hollywood Palladium idiay Los Angeles inton Abril 29 ken mabuya online iti official website ken Youtube channel ti Billboard.###
