Inpeksa ti Bureau of Internal Revenue (BIR) ti kinasagana da a mangisayangkat ti imbestigasyon kontra ti siasinoman nga indibidwal, karamanen ti negosyante a ni Charlie “Atong” Ang nu adda iti mapagtalkan nga impormasyon mainaig iti panaglabsing na iti panagbayad ti buis.
Segun kenni BIR Commissioner Romeo Lumagui Jr., awan pay ti official request a naaw-awat da manipud kadagiti sabali pay nga ahensya ti gobierno tapno adalen dagiti negosyo ni Ang.
Impasigurado na nga awan iti siasinoman nga ilaksid da basta adda iti umdas a pagbasaran para kadagiti akusasyon.
Ti waragawag ket naisayangkat ti mays a press briefing idiay Department of Justice (DOJ), kasaruno dagiti alegasyon kontra iti negosyante gapo paylaeng iti agtultuloy a kaso dagiti missing sabungeros.
Maak-akusaran ni Ang ti panagbalin a mastermind ti krimen babaen iti panangbaliktad kenkuana ti sigud na nga aide ken itan ket whistleblower a ni Julie Patidongan. Nainget met a pinaglibakan ni Ang dagiti akusasyon.
Idi napalabas a lawas ket napilaan ti pormal a reklamo para ti multiple murder ken serious illegal detention da Ang ken sumagmamano a miembro ti naawagan kas “Alpha Group kasta met dagiti dadduma a kameng ti Philippine National Police (PNP).
