Nakakumpiskar ti Bureau of Internal Revenue (BIR) ken Philippine National Police (PNP) ti 17 master cases ti ilegal a sigarilyo iti naisayangkat nga operasion idiay Governor Generoso, Davao Oriental.
Dagos a naipasidong iti kustodiya ti pulisya dagiti nakumpiskar a produkto ken inspeksion ti BIR para iti tax assessment.
Maibasar iti panagsukimat ti Revenue District Office No. 114, mapatta-patta a dumanon ti ₱6.5 million iti excise tax liability dagiti nakumpiskar a sigarilyo.
Segun ti BIR, paset iti operasion ti napapigsa a kampanya kontra iti ilegal a panagtagilako ti sigarilyo a makadadael iti lehitimo a negosyo ken nangigubuay ti pannakapukaw ti birok ti gobierno.
Innayon ti ahensia, naglabsing dagiti nakumpiskar a produkto kadagiti sumagmamano a probinsion ti National Internal Revenue Code kadagiti agdama a regulasion mainaig iti umno a panagrehistro ken panangikabil ti revenue stamps.
Maisaysayangkat metten dagiti legal ken administratibo nga addang para iti panangipila ti maiyannatup a kaso kontra kadagiti responsable.###
