Nakaur-or iti Bureau of Internal Revenue (BIR) ti ₱279.1 billion idi Mayo 2026, nangatngato ti 14.15% maiyarig iti kapada a bulan idi napalabas a tawen.
Limmabes met daytoy iti target ti ahensya a ₱279.056 billion.
Segun kenni BIR Commissioner Charlito Martin R. Mendoza, nakatulong iti napawaywayan a filing season ken kooperasion dagiti agbaybayad ti buwis iti napintas a resulta.
Inlawlawag ni Mendoza nga iti extension nga inpaay ni Presidente Ferdinand R. Marcos Jr. ket nangipaay ti kanayunan a panawen kadagiti taxpayer tapno naurnos a maka-fule ken makabayad iti tengnga ti energy crisis.
Sipud Enero agingga Mayo 2026, dumanon iti ₱1.434 trillion iti pakabuklan a napastrekan ti BIR, nangatngato ti 5.49% wenno ₱74.582 billion maiyarig iti kapada a panawen idi 2025.
Innayon pay ni Mendoza, nagun-od iti panagdur-as kagiddan iti panangipatungpal dagiti reporma iti sidong ti BIR DARES agenda, karaman iti panangiyusuat ti Taxpayer Portal ken QR-enabled Certificate of Registration para kadagiti online businesses.###
