Imbatad ti Bureau of Internal Revenue a pabor da a mapangato wenno nadagdagsen a pannusa kontra kadagiti ‘tax evaders’ ditoy Pilipinas.
Segun mismo kenni Internal Revenue Commissioner Romeo D. Lumagui Jr, suportado na iti nasao nga addang agsipud ta ar-aramiden dagitoyen dagiti dadakkel a korporasyon.
Maipalagip a pinilaan ti Department of Justice ti kaso a ‘tax evasion’ kontra kadagiti 23 a dadakkel a korporasyon a karaman iti ilegal nga aramid.
Maibasar iti BIR, dagiti 23 a korporasyon nga inreklamo ti DOJ ket gumatgatang kadagiti ‘ghost receipts’ tapno matakasan dagiti obligasyon da nga agbayad iti umiso a buis.
Dumanonen ti aganay P1.41-B tax deficiency isu a pumabor ni BIR Commissioner Romeo Lumagui Jr. a pagbalinen a nadagsen ti pannusa kadagiti ‘tax evaders’.
