Kalalaingan na laeng dagiti mailaklako a karne ti baboy dagiti vendors iti uneg ti merkado publiko iti syudad ti San Fernando, La Union.
Daytoy ti kinuna ti maysa a meat vendor a ni Flordeliza Rivera, kabayatan iti pannakaiuman ti Bombo Radyo La Union kenkuana.
Segun kenni Rivera, isu met laeng iti presyo dagiti magatang a karne iti uneg ti merkado.
Mainaeg iti daytoy, makaanay pay met kuna na ti supply dagiti magatang a karne.
Iti sabali a bangir, bassit laengen kuna na dagiti aglako ti karne no panawen iti Semana Santa numan adda sumagmamano a kayatda latta ti aglako.
Namnamaen met ni Rivera nga itan a nagsubli a napalukayan dagiti ristriction ket mas ad-adu pay dagiti namnamaenda a gumatang kadagiti tagilako iti uneg ti merkado publiko.
