LA UNION – Nalaus ti panagyaman iti Diyos ken iti Bombo Radyo ti maysa a birthday boy a nangabak iti first major prize iti kalkalpas a fifth weekly draw ti Swerte sa Palengke 2017.
Segun ken ni Alex Alcantara, 55-anyos, public school teacher idiay Al-alinao Norte, Naguilian, La Union, simmurot laeng daytoy iti weekly draw idiay Bacnotan, La Union tapno agpasiar ken makipaset iti promo.
Imbatadna pay a nagaramid laeng daytoy iti 50 nga entries para iti maika-lima a Palengke draw ket imetna ti namnama a mangabak uray consolation prize laeng, ngem nalablabes pay ti naawatna.
Kinapudnona, nakisalip daytoy iti “tug-of-war” a maysa kadagiti parlor games ngem saan a napagasatan.
Umawat ni Alcantara iti P5,000 a cash prize inton aldaw ti Lunes.
