Nangiruar ti warrant of arrest iti Quezon City Regional Trial Court (RTC) Branch 98 kontra kenni Bise Presidente Sara Duterte mainaig ti kaso a grave threats.
Segun ti abogado na a ni Paul Lawrence Lim, awan ti intension ni Duterte a liklikan iti linteg ken agtultuloy nga usaren na dagiti amin a legal a remedio, aniaman iti agbalin a saritaan seknan iti hurisdiksion ti korte.
Tallo a bilang ti grave threats iti naipila kontra iti Bise Presidente, nga addaan ti naituding a piansa nga ₱120,000 tunggal bilang.
Immunan a nangipila iti kampo ti motion to quash, a mangkueskuestion iti hurisdiksion ti korte ken impaganetget nga adda ti limitado a procedural immunity dagiti impeachable officer bayat nga adda iti puesto. Naaddaan met ti oral arguments idi Agosto mainaig iti mosion ti Vice President.
Kabayatanna, dagiti kaso ket nagramut iti nagbalin a waragawag na idi Nobiembre 2025 nga adda ti nakasarita na a tao a mangpapatay kada Presidente Ferdinand Marcos Jr., First Lady Liza Araneta-Marcos, ken sigud nga House Speaker Martin Romualdez no kaspangarigan isuna ket mapatay.
Iti nasao nga alegasion ket karaman iti Article IV ti impeachment case kontra kenni Duterte iti Senado, a mangtaltalantan iti maipagarup a grave threats kontra iti Presidente ken dadduma pay.
Pinaglibakan met ti kampo ni Duterte a pudno a pangta iti waragawag daytoy ken kenuna a daytoy ket naala iti ruar ti konteksto.###
