LA UNION – Agsagsaganan ti entero a probinsia a La Union para iti lamay ti pimmusay a ni Bishop Rodolfo Beltran gapu iti sakitna a prostate cancer.
Iti pannakiuman ti Bombo Radyo ken ni Fr. Manuel Ragil, maimasayag ti bangkay ti 68-anyos nga obispo iti Diocesan Seminary of the Heart of Jesus idiay Brgy. San Vicente.
Segun kenkuana, marugianen inton bigat ti inaldaw a pakararag ken vigil para iti pimmusay nga opisial ti Simbaan Katolika.
Ni Beltran ket pimmusay iti UST hospital gapu iti kanser a mano a tawennan a sagsagabaen.
Daytoy ti maikapat a tawen a panagserbi nga obispo ni Bishop Beltran iti siudad ti San Fernando, La Union.
