LA UNION – Dumanon iti ginasut a bitaog ken umbrella tree seedlings iti naimula iti igid ti kabaybayan a sakop ti Barangay Dalumpinas Oeste, San Fernando City, La Union.
Daytoy ket paset iti agtultuloy a tree planting program ti gobyerno.
Naipatungpal ti nasao nga aktibidad babaen iti panagbibinnulig dagiti kameng ti Phil. Airforce, Naval Forces Northern Luzon, Phil. Coastguard Northern Luzon, iti panangidaulo ti City Environment and Natural Resources (CENRO), agraman dagiti sumagmamano nga opisyales ti barangay ken syudad.
Kabayatanna, kagiddan ti nasao a ganwat ket nasurot met latta dagiti maipatpatungpal a health preventive measures kontra iti COVID 19.
