Inpasigurado ti Bureau of Jail Management and Penology (BJMP) nga awan ti special treatment a maipaay kenni Senador Rodante Marcoleta bayat nga adda iti kustodiya da.
Segun kenni BJMP spokesperson Jsupt. Jayrex Bustinera, awan ti person deprived of liberty (PDL) iti maipapaayan ti VIP treatment iti sidong ti kustodiya ti ahensia.
Pinasingkedan met ti BJMP a naiturong ni Marcoleta iti Quezon City Jail Male Dormitory itay alas-10:49 ti bigat, aldaw ti Mierkules, Hulyo 15.
Ti panangiyakar iti senador ket maitunos iti bilin ti Sandiganbayan kalpasan nga inbaga dagiti doktor ti UP-Philippine General Hospital nga awanan ti medikal a basaran tapno agtalinaed isuna iti sidong ti hospital arrest.
Sangsanguen ni Marcoleta ken dagiti tallo pay a padana nga akusado iti kaso a plunder mainaig iti saan a naideklara a ₱75 million campaign donations.###
