LA UNION – Agtaltalinaed a COVID FREE iti Bureau of Jail Management and Penology iti intero a rehiyon uno
Daytoy iti kinumpirma ni JSSUPT NEIL AVISADO, Regional Director ti BJMP REGION 1.
Kinuna na nga agtaltalinaed a natalged kontra iti nasao a sakit dagiti pasilidad ti BJMP ditoy rehiyon.
Kinuna ni Avisado nga idi pay March 11 ket maipawilen ti agbisita kadagiti pasilidad bayat nga idi MAY 30 ket nangideklara dagitoy ti total lockdown iti nasao a pasilidad ket awanen ti siasinuman a makauneg ken makaruar.
Mainaig iti daytoy nangipatungpal da metten kadagiti addang iti uneg ken ruar iti pagbaludan tapno maliklikan iti pannaka-infect iti deadly virus, dagiti balud ken jail personnels.
Nupay awan ita ti mapalubusan nga agbisita kadagiti inmates, pinapigsa da met dagiti recreational activities iti uneg iti pasilidad tapno makissayan iti iliw dagiti maaw-awagan a persons deprive of liberty.
Innayon pay ti nasao nga opisyal a nakatutok da ita kadagiti senior citizen nga inmates agsipudta dagitoy iti nakapsot iti resistansya na.
