Naiganuat ti Blood Letting Activity idiay Sto. Thomas, La Union ita nga aldaw Agusto 9, 2023.
Daytoy ket paset ti makabulan a selebrasyon ti maika-32 nga Anibersaryo ti Bureau of Fire Protection, Region 1, babaen ti pannakitinnulong ti Ilocos Training and Regional Medical Center (ITRMC).
Umabot iti 150 a BFP personnel manipud Pangasinan ken La Union ti nakipaset iti nasao nga aktibidad nga addaan panggep nga agkolekta iti dara a mangpunno iti kasapulan dagiti BFP personnel iti rehion ken dadduma pay nga indibidual a mabalin a makasapul iti daytoy.
Paset pay ti aktibidad ti panagpirma ti Memorandum of Agreement iti nagbaetan ti BFP ken ITRMC tapno maparang-ay ti panagtitinnulong dagiti dua nga ahensia iti benneg ti salun-at.
