Pinadayawan ti Philippine Coast Guard iti programa a Bombo Network News ti Bombo Radyo Philippines.
Iti naisayangkat a Media Appreciation nga inorganisa ti Coast Guard Public Affairs Service ket indaulwan ni Phil Coast Guard Deputy Commandant for Operations, Vice Admiral Rolando Lizor Punzalan Jr., ken Coast Guard Public Affairs Service Acting Commander ken Spokesperson Rear Admiral Armando Balilo iti panangipaay ti Plaque of Recognition para kadagiti napili a miyembro ti media, a pakairamanan ti Bombo Radyo Philippines.
Segun kenni Rear Admiral Balilo, ti nasao nga aktibidad ket paset iti panangipeksa ti panagyaman kadagiti miyembro ti media iti suporta nga ipapaay dagitoy iti nasao nga unit babaen iti panangirakurakm iti umno ken pudno a damag.
Kinuna na a nupay nagbaliw iti istilo ti panagserbisyo ti Philippine Coast Guard ngem saan met a nagbaliw ti pannakilangen kadagiti kameng ti media.
Kagiddan daytoy, nagyaman ni Balilo iti saan a panang-lipat ti media a kiddawan iti palawag wenno pannarita iti Philippine Coast Guard kadagiti naduduma a kontrobersiya para iti patas a panagipadamag.
Kabayatanna, nangipeksa met ti panagyaman ni Balilo kadagiti kameng ti Philippine Coast Guard a nagbalinen a paset ti Public Affairs Service iti panangidanon ti napaspas ken uimno nga impormasyon para iti publiko.
