LA UNION – Pinadayawan ti Rotary Club of San Fernando (LU) Inc. iti Bombo Radyo La Union kas panangbigbig iti kontribusyon ti Bombo Radyo Phils. iti sumagmamano a proyekto a nagkadwaan dagitoy ken naiyuswat ditoy probinsiya ti La Union.
Partikular iti balligi a partnership dagitoy iti naiganwat a Bombo Medico idi 2019, a tinawen a proyekto ken misyon ti Bombo Radyo Phils.
Babaen iti suporta ken tulong ti Rotary Club of San Fernando (LU) Inc. naikkan ti wheel chair dagiti vulnerable citizens ken dadduma pay nga agkasapolan.
Iti nasao a pammadayaw wenno ‘Partner in Service Award’ ket inawat ni Bombo Jerry Vhal, Station Manager ti Bombo Radyo La Union, idi December 5, 2020 kabayatan ti RCSFLU’s 61st Anniversary & Awards Night 2020 idiay Thunderbird Resort, San Fernando City nga indaulwan da President Mr. Don Ting ken IPP Ronald S. Dy.
Ti nasao nga award ket isagut met ti Bombo Radyo La Union kadagiti amin nga ipatpategmi nga avid radio listeners ken viewers ti FB Live of Bombo Radyo La Union!
