LA UNION – Ita nga aldaw, rambakan ti Bombo Radyo Philippines iti maika-57 a Founding Anniversary, kagiddan ti agtal-talinaed a news supremacy na iti tengnga ti digital age, nga itan ket nagbalin a naan-anay a digitalized.
Kabayatan ti maika-57 a Founding Anniversary ti Bombo Radyo Philippines, sipapannakkel nga itampok ti Number 1 ken Most Trusted Radio Network ti pagilian iti kari na a mangidanon ti damag iti tengnga ti digital technology.
Gaputi napigsa a presensya iti industriya, agtaltalinaed a nakasentro ti Bombo Radyo iti kangrunaan a tarigagay daytoy a mangipaay ti pangnam-namaan ken naipanawen a damag para iti publiko.
Iti laksid dagiti lungalong a tugot ti digital age, takderan ti Bombo Radyo iti misyon na a mangidanon ti umno ken komprehensibo a coverage ti damag.
Siguradwen dagiti 31 fully digitalized nga AM ken FM stations ti network iti crystal-clear reception, a maar-aramid tapno nalak-laka para kadagiti listeners ken viewers a ma-access iti kabarwanan a damag ken agtalinaed nga updated.
Iti saan a marippuog a dedikasyon ti Bombo Radyo iti panangidanon dagiti damag, a mapak-pakuyugan ti bileg ti digital a teknolohiya, ket agserserbi a dalan tapno maibagay iti rumus-rusing a media landscape bayat a pagtalinaeden na iti mapagtalkan a reputasyon kas maysa a panagnamnamaan a pagtataudan ti impormasyon.
Bayat nga agtultuloy ti panangabrasa ti lubong dagiti digital advancements, maminsan manen a pasingkedan ti Bombo Radyo Philippines iti kari na a mangidanon kadagiti napapateg a damag ken agtalinaed a natibker ti posisyon na kas mapagtalkan ken impluwensiyado a boses iti industriya.
Basta Radyo… BOMBO!
