LA UNION – Simmangpet ita a malem ti Huwebes iti aganay 14,400 sinovac vaccine nga alokasyon para iti Ilocos Region.
Daytoy ti kinumpirma iti Bombo Radyo La Union ti DOH-Center for Health Development 1.
Dagiti nasao a bakuna ket maibunong kadagiti walo a referral hospital ditoy Region One pakairamanan iti Ilocos Training and Regional Medical Center (ITRMC) ditoy syudad ti San Fernando.
Kabayatanna, immunan nga imbaga ni La Union Information Officer Adamor Dagang a dagiti healthcare workers iti umuna a matudukan ti covid 19 vaccine ditoy probinsiya.
