LA UNION – Natay iti tallo a tattao kabilang iti suspek iti napasamak a pammaltog idiay Purok 2, Brgy. Tay-ac, Rosario, La Union pasado alas 5:00 itay malem.
Dagiti dua a biktima ket ag-ama, nabigbig nga isuda Modesto Oropilla, 60, kabsat iti suspek, ken Mary Grace Oropilla-Parayno, 36, kaanakan ti suspek, maysa nga BHW, ken agpada a dead-on-arrival idiay Rosario District Hospital.
Nasugatan met iti bayaw ti suspek a ni Eduardo Siguin, 58, agpapada nga agnanaed iti maysa a compound.
Iti suspek a ni Filomino Oropilla, 45, ket ginandat na iti aglibas kalpasan iti inaramid na a krimen ngem natay met laeng kalpasan a nagkedked a sumuko ken nakipinnaltog kadagiti pulis a nanganop kenkuana.
Iti eksklusibo a pannakiuman ti Bombo Radyo La Union kenni PMaj Garry Anthony Casem, chief-of-police ti Rosario Police Station, nabayagen a susik iti daga ti ramot iti napasamak a krimen.
Segun kenni Casem, base iti inisyal nga imbestigasyon dagiti pulis, umin-inom iti suspek a maymaysana idi kellaat lattan a pinaltugan na iti ag-ama nga aglutluto ti pang-maleman.
Kabayatanna, ni Siguin ket dagus a naiyakar iti Ilocos Training and Regional Medical Center (ITRMC) ditoy syudad ti San Fernando, La Union para iti naan-anay a medical treatment.
Agtultuloy pay laeng ti imbestigasyon dagiti pulis iti napasamak a krimen.
