LA UNION – Agtultuloy ti isaysayangkat a dragnet operation dagiti kameng ti Balaoan Police Station tapno masapulan ti riding-in-tandem suspects a nangpaltog iti maysa a mannalon iti nasao nga ili itay alas-12:15 ti tengngat’ aldaw.
Immuna iti daytoy, naideklaea a dead on arrival iti pagagasan ti biktima a ni Ernesto Galicia alyas Puldong, 59-anyos, addaan asawa residente iti Brgy. Butubot Este iti nasao nga ili.
Maibasar iti inisial nga imbestigasion dagiti otoridad, pinaltogan dagiti suspek a nakasakay iti nangisit a Mio motorcycle ti biktima kasaruno ti panaglibasda iti saan pay a masinunuo a direksion.
Dagus met a naitaray ni Galicia iti kaasitgan a pagagasan ngem naideklara a pimmusay.
