LA UNION – Am-amuen ita dagiti otoridad ti motibo ti pammaltog iti maysa a Barangay Chairman iti Barangay Salvacion, Tagudin, Ilocos Sur.
Maibasar iti report manipud Police Region Office (PRO) 1, nabigbig iti biktima a ni Baltazar Lodia Sr, bayat a ti suspek ket nabigbig a ni Rufino Gonzaga.
Immuna ditoy, dagus a naiturong iti La Union District Hospital ti biktima gapu iti tama ti bala iti saan pay nga ammo a calibre ti paltog.
Iti agdama, mangisaysayangkat ti hot pursuit operation dagiti otoridad kontra iti suspek a dagus nga naglibas kalpasan iti inaramid na a pammaltog.
