LA UNION – Sumangsango ita iti panaglabsing ti RA 10591 wenno Illegal Possession of Fire Arms & Ammunition ti maysa a Barangay Kagawad iti ili ti Naguilian, La Union.
Nabigbig daytoy a ni Kgwd. Rogelio Llaneras, 50, addaan asawa, residente ti nasao a lugar.
Babaen ti impaulog a search warrant ti Regional Trial Court ti Burgos, Pangasinan, sinukimat dagiti otoridad iti pagtaengan ti suspek no sadino nakumpiskarda ti (1) empty magazine ti cal. 9mm pistol.
Iti agdama, nakabalod daytoy iti La Union Criminal Investigation & Detection Group (CIDG) para iti pannakisango na iti korte.
