LA UNION – Pimmusayen bayat a maag-agasan iti ospital ti maysa a Barangay Kagawad idiay Agoo, La Union kalpasan a tinagbat ti saan pay nga ammo a suspek.
Nabigbig iti biktima a ni Concepcion Tadifa, 63-anyos, barangay kagawad ti Sta. Monica.
Immuna ditoy, nadanon laengen ti anak ti biktima a ni Jupiter ti inana a dara-dara iti sangwanan ti balayda.
Madama pay ti panangammo ti Scene of the Crime Operative (SOCO) ken Agoo Police Station ti motibo ken no siasino ti nangtagbat iti biktima gaputa alas-4 ti parbangon iti mapasamak ti insidente.
Kabayatan na, inlawalwag met iti saanen nga nainaganan a testigo a sakbay a napasamak ti pannakatagbat ti biktima ket nagpukkaw daytoy nga adda ti maipagarop nga agtatakaw.
Iti agdama, nakaimasayag iti maysa nga punerarya iti nasao nga ili ti bangkay ti biktima.
