Maisaysayangkat ita nga aldaw, Hunyo 1, 2026, iti Brigada Eskwela 2026 Kick off program nga adaan ti tema a “Bayanihan sa Paaralan: Nagkakaisa para sa kaayusan at kaalaman” a naangay ditoy Taboc Elementary School, San Juan District, San Juan La Union.
Iti nasao nga aktibidad ket tinabunuan dagiti mannursuro, dadduma nga estudyante tapno saksian ti nasao a programa.
Timmabuno pay ni Hon. Denver Badua kas representantes ni Hon. Governor Mario Ortega, Hon. Mayor Mariquita P. Ortega tapno mangted iti mensahe, kasta met a timmabuno ni PCOl Redentor C. Ulsano Provincial Director of LUPPO ken PMAJ Reynante Organista chief of police ti San Juan, ken dadduma pay a pulis tapno masigurado iti seguridad ti nasao nga aktibidad.
Rinuguian iti aktibidad ti maysa a kararag ken panagkanta iti Philippine National Anthem nga indauluan ni Elena V. Quejado Teacher VI, Taboc Elementary School kas Master of Ceremony.
Impakita dagiti manursuro a nakasaganadan para iti panagseserrek dagiti ubbing, kasta met a nakasaganan dagiti classroom ken entero nga eskwelaan.
Pangep ti nasao nga aktibidad a gundawayan dagiti balligi a nagunod ti eskwelaan adda iti naawatda a financial assistance manipud Provincial Government of La Union.
Daytoy a financial assitance ket nakatulong tapno makagatang iti baro nga alikamen kas iti lamisaan, tugaw ken dadduma pay para kadagiti estudiante.
Kayat dagiti manursuro a maikkan dagiti agadadak iti nalinis, natalged ken napintas nga aglawlaw bayat iti panagadalda.
Nagyaman dagiti manursuro iti amin a timmabuno tapno suportaran iti programa kasta met dagiti estudyante ken nagannak a naikkan iti inspirasyon sakbay iti panagseserrek. (Report by Bombo Alphea)
